Keene's profileFlying In The Mid-NightPhotosBlogListsMore  |  Tools Help |
|
|
October 05 阳朔记
Day ONE
地铁-火车站-杨堤-游船-望江楼-打牌-晚饭-明园-酒吧-酒店
GZ-- 如果想知道自己对呢个城市有乜特别，可以企响地铁站，睇住一班班列车，来到，然后又一个个番薯流入来，然后流走。我唔系一个旁观者，我只系其中一个番薯，只系另外一个番薯。車站-- 第一次见到好多人，有好多唔同的感觉，但系最主要的都系，感觉大家就好似一家人甘，好舒服。如果讲，工作最终都系为左生活，甘同事就系另外一半的家人。 D Day-- 咋一声，就到左桂林火车站，转车，来到杨堤。虽然上次都游过，但系今次感觉好好多。泛舟，而唔系游船河。如果讲山水系阳朔的眼，甘漂流就系阳朔的心。至少，系我地呢D都市沙丁鱼，日日赶车翻工所梦寐以求的一刻栖息。躺在竹椅上，小憩，然后睁开眼。有时我已经分唔清系响梦境，定系响阳朔。 同船工吹下水，我知道我冇乜可能理解，每日坐在竹筏来回甘望著相同的景色，会唔会有厌倦的时候；同样，渠都唔会明白，旧屋、山泉水、蜻蜓，点解会对我地有甘大的吸引力。唔经唔觉，就去到漂流终点啦。我地响一间望唔到江的望江楼度食午饭。餐饭冇乜印象，就系记得买左支D可乐，同埋冻左的私家饭真系好食过即煮的大锅饭。
下午大家都好累。由于之前来过，就冇去踩车了。留响房打牌。晚黑食完饭，去左明园饮expresso。出品冇变，睇的书都冇变，只系睇的人变左。跟住就过左去solo吧。经过一轮扰攘，我地包左两张台，都系饮下野摇下骰盅甘。阿莉通知似乎有D过敏，下次就唔催你饮甘多啦~
DAY TWO 行去搭车至渡口，途中师傅执到某果若干，经过多轮传递最尾基本去晒符生度… 再跟住…就系水战~~~过程基本就系给我地部船遇到，然后我地一个人射水枪，另外一个人跳上船肉搏……真系唔好意思啦……大合照睇翻大家都好开心哦~~~至于中午饭，唔知系以为饿定系因为农家野好食，基本上上一碟3秒就剩低D汁…有D连汁都冇埋… 同样的情况响龙胜都出现左… 简直就系广州大饥荒，饥民如蝗虫般席卷广西，惨过台风… 晚黑冇去玩骰盅，同另外几个人倾计，讲起星座D野。又唏嘘一番。可能，有D野，大家珍惜过，就已经足够咯。
DAY THREE 出发，我又迟左…shoo… 成日都系甘… 去到龙胜兵分两路，唰一声就来到天然居了-_-|||（其实行左好远啦！虽然后面睇起身系小意思）。行左一日的山，大家都冇兴趣再去金佛顶了。就响外边开起四方阵同拖拉机。打下打下，望翻后面，云雾山中的感觉，真系怀疑系咪发紧梦。晚黑饭餐游戏一轮饿鬼抢食。不过比起中午的竹筒鸡，米酒，南瓜野菜，就略嫌贵夹唔饱了。 次日凌晨，摸黑出门，去见识梯田日出。讲系日出，其实只系从山间升起，当然同海上日出比起身，又系另外一番景象了。行至“一盏灯”的日出观景台，数支长枪短炮已经响度standby。上山的时候隔离有个阿伯话，今日有少少云又冇雾，真系难得一见。我地正响度怀疑点解有云反而好，太阳已经话给我地知个结果了——由于有云，我地见识到火烧云+多次日出：太阳公公出来以后又给云遮住，再出现。无论系贝利珠状物体还是散射光芒还是若隐若现，全部给我地Dcam收晒落贮存卡度～。不过我录到的都系此起彼伏的“哇”声=_= 翻到去食完早餐，我地又再次出发，不过今次竟然系接近5个钟的徒步！！！差D搞死我了… 可能因为朝早冇点食好，前两晚又挨夜，翻到来果日仲差D发烧添… 中间见到火烛，讲起就唔舒服，天灾人祸，10万文对于城市人可能都未够买10平方房，但系对于渠地来讲就系几十年的积蓄同埋赖以生存的野。唉。唔想提。唔想讲。知道自己已经系好贵幸福噶啦。 响平安寨，同三个鬼佬搭讪，两个系伦敦过来纯玩的，仲有个系响Uof密歇根读中文的米鬼。（我始终分唔清U密同密U的区别，应该系塔拉果个）渠话果度宜家已经chilling cold（又霖起早前吴大维个英文介绍视频）唔知塔拉点呢？祝好啦。讲下讲下，米鬼仲将我支木拐杖同英鬼只塑料登山杖比较，which我支系free，渠支25RMB… plus我支环保，甘系咪可以话渠支贡献GDP呢…………
出到桂林。行程完结。准备离开。希望下次去九寨or云南。
如有不足，不断补充。
附：
“黎耀辉，不如我地由头再来过。”
“不如由头来过啊”，呢句说话是何宝荣的口头禅。我承认这句话对我来讲很有杀伤力。
我和他在一起唔系好耐，中间也都有分开过，但系唔知点解，次次听到他讲这句说话，我又会同他行翻埋一起。
因为想由头来过，我地离开广州，两个人行下行下就来到左阳朔……”
April 11 trip 2 武汉 我越来越开始旅游了。 其实，最应该写的应该系我响两年前响香港的两个星期。因为响尼两个星期里面的行走，观看，触摸，以及相应的感受。住响当地人的屋企，参与渠地的家庭会议，分享渠地的选择同感想。。。。。只能话，我太浪费了。 不过，吾紧要，珍惜现在的，就系好的开始。自己第一次响陌生的城市自己安排食宿，比起去上海时的奢侈，“旅游”的感受会真实得多。既要兼顾行程的紧凑，身体的承受能力，又要考虑洗费，同埋最重要，玩得开心，睇到尽量多的野。所以讲，慢慢开始学会旅游了。 大体行程基本上系 Day one 归元寺——古琴台——江滩——步行街附近 Day two 户部巷——辛亥革命旧址——黄鹤楼——长江大桥——晴川阁——武大樱花——东湖 跟住就搭晚上的火车走了。洗费火车约260元，住宿60元（二星），合共约500元。 由行程可以睇出，第二天略微紧凑。如果要比较好敢行下东湖，三天应该比较合适。但是我去的时候天气吾系禁好，都系阴霾天气，所以一D远景效果吾好，例如长江大桥江滩黄鹤楼同东湖。所以我选择佐行街为主。好才天公作美，樱花都开得几靓，所以不虚此行~ 总的感觉，就好似后来我mum听到之后的反映“武汉有咩好睇喈”。其实武汉吸引之处就在于可以用来作为周末游。两天略少——吾得认真玩下东湖景区，三天略多——有时间给你慢慢行下江滩的Ralph Lauren Polo（广州好似无）同步行街附近的HugoBoss。如果你想感受下历史名城的感觉，又想吾过日本领略下樱花的美景，武汉都系个吾错的选择。由于时间只有两天，无咩特别的感受——除佐超好味的小吃，有咩吾明再问啦～ December 01 谈论三人行
引用 三人行 |
|
|
